Mo‘ridagi chiqindi gazlarni uzluksiz o‘lchaydigan stansiya: namuna zond bilan olinadi, tozalanadi, analizatorlarda o‘lchanadi va natija avtomatik ravishda nazorat organlariga uzatiladi.
Isitiladigan zond gaz yo‘lidan namunani doimiy ravishda oladi. Zond uchidagi filtr changni ushlaydi, qobiq esa namunani 180 °C atrofida ushlab turadi.
Namuna izolyatsiyalangan va isitiladigan liniya orqali konteynerga keladi. Liniya harorati shudring nuqtasidan yuqori — aks holda SO₂ va HCl kondensatda erib, natija past chiqadi.
Konteyner ichida namuna tayyorlash shkafi turadi: gaz sovutgich namlikni ajratadi, mayda filtr qolgan changni ushlaydi, nasos esa barqaror sarfni beradi.
Shkafdagi analizatorlar SO₂, NOₓ, CO, CO₂ va O₂ ni uzluksiz o‘lchaydi. Changni mo‘riga o‘rnatilgan datchik joyida (in-situ) o‘lchaydi.
Stansiya belgilangan vaqtda etalon gazlar bilan o‘zini tekshiradi: nol va diapazon nuqtasi. Og‘ish qayd etiladi va hisobotda ko‘rinadi — QAL3 talabi shunday bajariladi.
Kontroller o‘lchovlarni yig‘adi, o‘rtacha qiymatlarni hisoblaydi va aloqa kanali orqali uzatadi. Uzilishda ma’lumot xotirada saqlanib, aloqa tiklanganda yuboriladi.
Har bir o‘lchov Ekologiya va atrof-muhitni muhofaza qilish vazirligining monitoring platformasiga (Ecoonline.uz) real vaqtda tushadi. O‘sha ma’lumot korxonaning o‘z panelida ham ko‘rinadi.
Mo‘ri o‘lchamlari, yoqilg‘i turi va talab qilinadigan parametrlarni yuboring — konfiguratsiya, hujjatlar va davlat platformasiga integratsiyani biz tayyorlaymiz.